رئيس مجلس الإدارة   
            د/ نبيلة سامى                   

                                               

          صحافة من أجل الوطن 

              (  مجلة مصر )

                             ( أحدث إصدارتنا)

الخميس 1 ديسمبر 2022 6:20 م توقيت القاهرة

البرص المصرى 

 

تكتب ،/أميرة محروس 

 

صحينا على خبر عجيب وغريب وهو إن فيه نوع معين من الأبراص بيسمى " البرص المصري " قدر يعدي الحدود وعرف يوصل للكيان الل ميتسموش وعامل قلق كبير بس يا ترى إيه الحقيقة وهل الحوار كوميدي فعلا ولا وراه حقائق محزنة!

 

بص يا سيدي أولا كده معلومة على السريع البرص المصري المقصود فالقصة دي مش هو اللي حضرتك بتشوفه فالبيت ومراتك بتصرخ تقولك هات الشبشب واعمل معاه الصح، لا لا خالص البرص المصري بيعيش ف الصحراء والبرية وكمان رجليه مفيهاش مجسات يقدر بيها يثبت على الحيطة، ثانيا لونه مبيكونش أسود زي أخونا بتاع الشبشب لا بيكون مائل إلى البني أو الأصفر شبه الرمال...

 

طيب إيه اللي حصل؟، الحقيقة إن ده لغز كبير ف الكلام بتاع إن البؤص عرف يخترق الحدود ويعدي ويروح عندهم ده مش صحيح وكله كلام بوستات وخلاص، البرص المصري غير مرتحل وبيحل محله في تجمعات ونادرا لما يقطع مسافات كبيرة فما بالك ب بلدان وفكرة بقى إنه وصلهم دي أكبر لغز بيواجه علمائهم لحد دلوقتي ومش لاقينله تفسير بس القصة دي بترجع أصلا لمدة تتجاوز الخمس سنوات لما واحد من علمائهم لقاه ف منطقة ف الشمال ومهتمش ليه وبعدها يكتشفوه مرة ثانية ف الجنوب وبين المنطقتين أكتر من ١٥٠٠ كم فطبعا معنى كده إنه تكاثر وعرف يوصل أو ينتشر فكل المنطقة دي وبالتالي عمل مستعمرات ضخمة!!!

 

العجيب بقى إنهم لما عملوا دراسات لقوا إن الأبراص اللي بتسكن البرية عندهم شبه انقرضت وإن البرص المصري فرض سيطرته وبجدارة على المنطقة وده عشان حجمه الكبير وقدرته إنه يتغذى على حشرات أصغر منه وربما فئران!!!

 

طيب هل فعلا البرص المصري هيد...مر محاصيلهم الزراعية ويعمل مشكلة كبيرة وعشان كده هما عاملين كل القلق ده؟!

الإجابة وبشكل صريح لا كل البوستات والقصص دي كلام فاضي البرص مش جراد ومش بيتغذى على محاصيل زراعية أصلا بل هو كائن بيأكل لحوم وبالتالي خطو..رته مش فكده ولا دي الحقيقة، هما خايفين منه عشان العدوى فقط وته..ديد النظام البيئي ليهم بإنه يعمل عدم توازن فالحياة البرية عندهم وكمان كون تكاثره سريع جدا وبيضه بيفقس ف شهرين فدي مشكلة أكبر...

 

طيب هل فعلا هو بالأعداد المهولة دي ويستحق كل الهيصة دي؟!

 

الإجابة برضو لا فالبرص ده منتشرش غير بكميات محدودة ومش بيعمل كل الكلام ده، هما بس عشان دايما حاسين ب قلق وخوف فالبتالي أي شيء يحصل بعيد عن المتوازنات بتاعتهم بتخليهم مرع..وبين حرفيا وبرضو وإحقاقا للحق مش بيسيبوا حاجة للظروف والعلم عندهم متطور وسريع مش سايبنا بالبركة زي عندنا ودي حقيقة مؤسفة يعني بس تظل حقيقة..

 

أخيرا هما وصفوا البرص المصري بال مح...tل وإنه ته..جم على بيئة ملهوش مكانة فيها ولا بتاعته وحقيقي معاهم حق عشان كل روح بتعرف توصف اللي شبهها وبكل جدارة، ولعل الانتفاضة تبدأ ب برص.

تصنيف المقال : 

إضافة تعليق جديد

CAPTCHA
This question is for testing whether or not you are a human visitor and to prevent automated spam submissions.