" اللى بيحب حد يموت و لا يجرحه"

رغداء صبيح

الحب الحقيقى قوة و عمره ما كان ضعف
متصدقيش گلمة بحبك بسرعة ومهما اتقالت مليون مرة فى الاخر كله كلام فى گلام اللى بيحب حد بيعمل و حطوا خط تحت الكلمة دى عارفين يعنى ايه بيعمل يعنى بيتحرك بياخد خطوات و افعال مش مجرد كلام
اللى بيحب حد بيريحه ويطمنه عشان يخليه حاسس بالامان مش دايماً عايش فى قلق و خوف
اللى بيحب حد بيسند ضهره مش بيكسره
اللى بيحب حد مبيبقاش انانى و شحيح فى عواطفه و تصرفاته ومبيفكرش غير فى نفسه بيفكر اكتر فى مصلحة اللى بيحبه
اللى بيحب حد بيضحى علشانه مش بيه و يكرهوا فى نفسه و يخليه مهزوز و مريض نفسياً من كتر تحليل افعال اللى قدامه و دايما ً فى حالة صراع مع افكاره و اكتئاب
اللى بيحب حد بيقويه و يشجعه و يزقوا لقدام و يطلع بيه لفوق مش بيرجعوا ميت خطوة لورا
ارجوكم بطلوا اوهام وعيشوا الواقع
لو انتى شايفة ان حبك بيضعفك ابعدى عنه علشان هيدمرك علشان انتى بتحبى الشخص الغلط و هو مش بيحبك اصلا
ومن الاخر كدة نقول تانى و تالت حلقة حطوها فى ودنكم مفيش حد عنده اى مبرر يخلى شخص يحبه و يتعلق بيه و بعدين يبقي عادى معاه لما يزهق منه او لما يحس انه بقى عبء عليه ينكر العلاقة اللى كانت بينهم او يحطها تحت اى مسمى
و عموما اللى بيحب بجد ده هو اللى بيبقى محتاج حب فى البدايه اكتر و انتى اللى للاسف جيتى وقولتيله وجودك و كلامز بيفرحنى فهو ساعتها بيفرح اكتر منك عشان بتملى الانا الغريزية عنده و يفضل كل يوم بمبررات و اوهام و حجج جديدة و كل ما تزنقى عليه بسؤال و يحس انه دخل خانة اليك يهرب بدبلوماسية و ذكاء لحد فى مرة ما حتتصدمى من انسحابه بكل هدوء و تبقي انتى فى الاخر اللى مش مرغوب فيكى و عارفه بقى دة كله حصل ليه؟ انا بقى اقولك ليه؟ ﻻن يا ست الكل اللى بيحب اكتر مبيعرفش يتحكم فى حبه بيحب بكل روحه فبيتحرق بدرى...