المال بيعلي الواطى

بقلم الشاعر / محمد سعدون

المال بيعلى الواطى
والكل عشانه يطاطى

ويروح ويمد اديه 
لكل خسيس او واطى

بيعلى كل خسيس 
ويخلى الكهل عريس

والناس تتجمع ليه
وترشح صحبه رائيس

بيوقف ناس طوابير
ويودى ناس مشاوير

ويعلى ناس على ناس
ويخلى الندل امير

بيفتح الابواب 
ويجمع الاحباب

والناس بتقدر صحبه
و تعمل الف حساب

بيحقق الاحلام 
ويخلى الورى ادام

والناس بتمجد صحبه
تضرب احلا سلام

بيغير النفوس 
ويقتل ناس ويدوس

وياما علا ناس
وياما انحنت له راوس

بيقرب كل حبيب
ويخلى العليل يطيب

وياما فرق حبايب
وياما قرب غريب

بيغير الاحوال
ويخلى العجوزه غزال

و الدنيا تبقي وردى 
والصحه تبقى عال

يطمن الحيران
ويعالج التعبان

ويرجع الى راح
ويمسح الاحزان