انتقام بالحب

انتقام بالحب

يكتب : امير العربى

من يومين كنت بتكلم عن شخص اذاني فى حياتي فاللي بتكلم معاه

سألني:

بس انت فى ايدك تنتقم ابشع انتقام ليه رافض تعمل دا؟

لقيتني بقوله ان بالنسبالي أعظم انتقام تنتقمه من شخص هو انك تسيبله ذكريات حلوة وصادقة مش العكس ..

انك تخلصله وتديله من روحك عشان كل من ياذيه حد بعدك يحس بالذنب تجاهك ويفتكر صدقك ويتحسر على خسارته ليك ولحبك ..

الانتقام بالشر سهل جدا ....... لكن الانتقام بالصدق والاخلاص والحنية بيخلي عدوك مهما لف ودار يحن لوجودك ويحس طول عمره بالاسف على خسارتك ويجيلك يتمنى بس انك ترد عليه يلاقيك نسيته اصلا.