بدون كلام ياقلبي بقلم مصطفى سبتة

اخر الي عرفتو عنك
انك انتي مصاحبه غيري
وانك.انتي سعيده جدا
وانك انتي نكرتي خيري
وان لما بتيجي سيرتي
تلعني في قلبي و ضميري
واني كنت سبب عذابك
واني كنت سبب جراحك
وان قلبي الكخه سابك
ضيق الوسع في براحك
وان عينك.
دمع منها ياعيني سايل
وانك.انتي غلبتي فيا
من كلام حلو ورسايل
واني كنت بثبتك علشان صحابك
وان قلبي الندل داب فيهم وسابك
والكلام منك عليا مش بيخلص
زي ما يكون الكلام طالع جديد
من حد كان طول عمره اخرص
طب فين كلامك
عن هوايا وعن حناني
وان انا بحبك حقيقي
وان حبي شكل تاني
واني لما بقول بحبك
ببقي حاسس بيها جدا
مش مجرد كلمه حلوه
من كتاب شعر واغاني
وانك انتي تبيعي عمرك
لاجل مافي يوم تحضنيني
واني ابقي ولي امرك
واقفل عليكي برمش عيني
وان طيبتي زايده حبه
بس برضو ديكتاتور
واني ليكي من المحبه
الي يملاكي بغرور
كل ده مش عايزه منك
الي عايزه بس انك تنصفيني
انك انتي تقولي اني كنت حاسبك
نبص قلبي وضي عيني انصفيني