بسمة قدر

بقلم / هبه المنزلاوي

الأيام بتجري بيه
والموت قرب عليه
الأحلام بتبعد عني
والناس بتهد فيه
كل لما أقوم واتسند
أقع من تاني واضيع
حلم كان معدوم
حلمته وتوهت معاه
طلبت الرحمه م الأيام
لقيت رياحها ضربت فيه
هونت ع الدنيا
ورمتني تحت رجليها
سألت الحطب ليه مستخبي
قالي خايف من بلاويها
أصلي مش قد رياحها
ده صاعقه متعرفشي تأني
حتي الحطب معدوم الحظ
أنا إنسان! عشان أعيش
لازم أكون أقوي منه
أومال ليه بيقوله
إن الأمل واقف سد
ده ف معظم الأحيان معدوم
بترجاه عشان يجيلي يمكن يراضيني
ويئب بيه علي وش الدنيا
يديني عزم يديني صبر
يديني قوه ع الأيام
ثابت ثبوت الجبل
أملي يواسيني
حلمي يملا تفكيري
هدفي يلحقني ويناديني
أجري وراه وروحي معاه
يروي الأرض ويرويني
أوصله واخده ف حضني
وحقق مسيرتي عليه
رجع الأمل لواحد مات
رجع حي ذي زمان
يارب النصر للمظلوم
يارب الأمل ف المعدوم
والظالم عليه اللوم.