( حالة وجع )

أنا إيدى حاضنه فى الوجع

ومتبته فى سنين عجاف

م الفرحه ليه دايما بخاف

باين عليها مش سكتى

كل الغناوى جوايا ماتت

م الألم

وشمسى باهته فى دنيتى

إنما

لو نجمه تظهر فى السما

يمكن اغير فكرتى

من حزن ماسكك جتتى

لحبة أمل

وادوس بايدى على جمر نار

لو عدلت معايا دنيتى

لو اقدر امسح كلمة وجع

محفوره عندى فى الجدار

لامتى يعنى هعيش حزين

نفسى ادوق طعم الهزار

بس الايدين متكتفين

والقلب مليان بالمرار

ليه كل الحالات عندى غيوم

ليه الحكايه كلها عتاب ولوم

والحرف ليه أصبح حزين

بينكتب باهات أنين

ويادوب بنسمع همس صوت

جوانا مليان بالوجع

ومتبته فينا السنين الحزنانين

ابو رامى الاسواني