طريقة عمل فطيرة الدجاج بالشيدر والبقدونس من الشيف غادة عاطف

كتبت منى أحمد أحلى فطيرة للدجاج طعمها خيال لازم تجربيها

بنفسك وانتى هتعرفى هتبقى أكلتك المفضلة

المقادير
1/ 2 كيلو دجاج (صدور أو أوراك)
1/ 2 لفة جلاش
1/ 2 كوب زبدة
1/ 4 كوب زيت
بصلة كبيرة
2 عود قرفة
3 ورقات لاورا
ملح وفلفل
فصين ثوم
حبة حبهان
1/ 4 حزمة بقدونس مفروم
الحشو
3 بيضات
بصلة كبيرة
ملعقتين زيت
حبة فلفل حامي
فصين ثوم مفرومين
ملعقة كبيرة زنجبيل
ملعقتين عصير ليمون
1/ 4 كوب كزبرة مفرومة
1/ 4 كوب بقدونس مفروم
كوب جبن رومي أو شيدر
ملعقة صغيرة (ملح – كمون – كركم – كزبرة – فلفل أسود)
طريقة التحضير
حطي الدجاج في مية على نار عالية وسيبيها لحد ما تغلي وبعدين حطي البصل والقرفة واللاورا والملح والفلفل والحبهان والبقدونس والثوم وسيبيها على نار متوسطة لحد ما الفراخ تستوي
ارفعي الدجاج من الشوربة وسبيها تبرد وبعدين قطعيها قطع صغيرة.
حطي الزيت في طاسة وشوحي فيه البصل والثوم والزنجبيل والفلفل الحامي لحد ما البصل يدبل وبعدين حطي الدجاج وسبيها على النار شوية.
تبّلي البيض بالتوابل وعصير الليمون وحطي البقدونس والكزبرة والجبنة وقلبي المكونات مع بعض وبعدين حطي معاهم خليط الدجاج وخلي بالك ماتكتريش الملح علشان الحشوة فيها جبنة.
اخلطي الزيت مع الزبدة في طبق واستخدميهم في دهن طبقات الجلاش.
لتحضير القالب ادهني أوراق الجلاش بخليط الزيت والزبدة ورصيها في القالب وخلي أطراف الجلاش خارجة بره القالب.
بعد ما تخلصي كل الجلاش وزعي الحشوة فيه وغطيه بأطراف الجلاش اللي خارج القالب وادهنيه بالزبدة ودخلي القالب في الفرن لمدة 25 – 30 دقيقة لحد ما وشها يبقى لونه دهبي.
بعد ما الفطيرة تستوي خرجيها من الفرن وسيبيها تبرد شوية وبعدين اقلبيها في طبق التقديم وقدميها وبالهنا والشفا