كتب عيد صالح.فضفضة من الاعماق

ليه يا زمن كاتب عليا أعيش وحداني

هو ليه كل يوم بقه زى التاني

سبني في حالي بقه يا زماني

هو إنت ليه كده جارح وأناني

خلاص بقه يا زمن بطل أوجاع

هعيش في إيه تاني غير الضياع

ليه كل الناس فيك بتحب الغش والخداع

وعلى حبايبنا إتكتب علينا نقولهم الوداع

نفسي في حد ألاقى في حضنه أمان

ما حضن حبيبي راح منى وكان زمان

ضاع خلاص وكأنه ما كان

وإتبدل مكانه أوجاع وأحزان

ودواتينا يا دنيا خلاص طعم الحرمان

ليه يا دنيا معيشانا ديما في آلام

والأحلام والاماني في يوم وليلة تتقلب أوهام

أمتي هنرتاح فيكي وتفوت الايام

ياما على حبايبنا بكينا

ومن اعز الناس ليه حرمتينا

قوليلى مين غيرهم هحيس بينا

صرخنا باعلى صوت ونادينا

يا دنيا كفاية حرام ارحمينا

اخدتي كل حاجه ليا خلاص ماليش

الأحباب والأصحاب خلاص مافيش

حب وحنان دمرتي كله مخلتيش

ليه كل حلم في خيالي ابنيه

واحلم انك في يوم ليا تحقيقه

ليه تيجي عليا وتدميره

كان يجري إيه لو كنتي سبتيه

ولا خلاص الإنسان مابقتيش تعرفيه

كل همك خلاص تجنى وتجرحي فيه

الجرح فينا يكون من اعز الناس

والخيانة والخداع بقوا من قلة الإحساس

ما هى الناس نسيت يعني إيه إخلاص

وبقه الفراق من نصيب حبيبنا خلاص

هو في إيه يا دنيا إيه الحكاية

هي دى قصة ولا رواية

كتبتيها علينا ونسيتي تكتبي ليها نهاية

ولا إحنا لسه في البداية

ليه بتظلمي وتجرحي فيا

هو من امتى كنتى ليا

طول عمرك دنيا هي زى ما هيا

ليه كل ده تكتبيه عليا

ياما بكيت لحد الدموع من عيني جفت

ولا عمر الجراح فيا خفت

هعيش على أمل انك يوم تنسيني

وبالأمان فيكي تحسسيني

ومن اوجاعي واحزاني تشفيني

لكن خلاص إتعودت منك انك تخونيني

وبأرخص الأسعار للجراح تبعيني