رئيس مجلس الإدارة
د/ نبيلة سامى
صحافة من أجل الوطن
( مجلة مصر )
( أحدث إصدارتنا)
الخميس 9 مايو 2024 10:07 ص توقيت القاهرة
رئيس مجلس الإدارة
د/ نبيلة سامى
صحافة من أجل الوطن
( مجلة مصر )
( أحدث إصدارتنا)
كلمنـــــي عـن مصــــــــر ...
كلمني عن بقعة أرض وحيدة علي ظهر الكرة الأرضية تجلي عليها وحدها خالق السماوات و الأرض بنوره فخرت الجبال صعقاً لجلاله ...
كلمنـــــي عـن مصــــــــر ...
كلمني عن أرض كانت عبر كل تاريخ عصور البشرية هي المطمع و الهدف و المرتجي لكل قوي الشر علي إختلاف أجناسهم و مللهم ...
كلمنـــــي عـن مصــــــــر ...
كلمني عن أرض شعبها من سبعين سنة مكتوب عليه يحارب صباح مساء كل يوم و يبني و يعمر و يزرع و يصنع و يركع و يسجد و يسبح و يصوم و يصلي يرفع آذان و يقيم قداس ...
كلمنـــــي عـن مصــــــــر ...
كلمني عن أم شهيد تلبس الجلابية البيضاء و الطرحة البيضاء تمشي في جنازة وحيدها العسكري تودعه تزغرد و تقول زفوه زفوه و هو داخل تربته ...
كلمنـــــي عـن مصــــــــر ...
كلمني عن عجوز عمره سبعين سنة يبكي في دفنة إبنه عاوز يلبس الكاكي و يطوع في الجيش مكانه ...
كلمنـــــي عـن مصــــــــر ...
كلمني عن طبق الفول المدمس و رغيفين العيش و كوباية الشاي الحبر ساعة الصبحية ياكلهم الفواعلي و يقوم يبني مصـــر كلها ...<br>
كلمنـــــي عـن مصــــــــر ...
كلمني عن دعوة صبحية من الست المصرية ما تسمعها من أي ست في الدنيا كلها روح إلهي ربنا يفتحها في وشك و يفتح الأبواب المقفلة و يرزقك برزقنا ...
كلمنـــــي عـن مصــــــــر ...
كلمني عن زوجة مصرية تسلت من إيديها غوايشها تقول لجوزها خد اتصرف في دول لحد ما ربنا يفكها بكره تجيب لي أحسن منهم بس ما تزعلش نفسك يا خويا ...
كلمنـــــي عـن مصــــــــر ...
كلمني عن طبق الكشك بالفراخ علي إفطار رمضان بيتنا جاي من الست أم كيرلس جارتنا و يرجع الطبق فيه كنافة عمايل إيدين الحاجة فاطمة .
كلمنـــــي عـن مصــــــــر ...
كلمني عن جمعية بتتعمل بسرعة في بيت في مصلحة حكومية يقبضها أول نفر موظف علشان يلحق يجهز بنته العروسة و ما تتكسفش قدام أهل عريسها ...
كلمنـــــي عـن مصــــــــر ...
كلمني عن دولة كلما أراد أعداؤها كسرها فنهضت أقوي و أصلب و أجمد ...
كلمنـــــي عـن مصــــــــر ...
كلمني عن نغمة جميلة و كلمة عميقة و لوحة جميلة و لحن وطني و آية قرآن و ترنيمة إنجيل و آذان علي مدنة و جرس علي كنيسة و إمام صلاة و راهب قداس و كل مصري و له تسبيحه ...
كلمنـــــي عـن مصــــــــر ...
إللي يحب يكلمنـــــا إحنا الشعب عـن مصــــــــر ... يعرف الأول يعني إيه مصــــــــر
لكل خونة مصر فى الداخل والخارج،،،،،
مايصدر منكم ضد دولتنا العظيمة،،،أم الدنيا،،،،
لم ولن يملأ الا،،،فراغكم اللى محيركم وسيقتل ،،،،
هذا الفراغ،،،،خيبتكم،،،،ومنى لكم هذا البوست الرائع،،،،،
والذى يمثلكم تعبيرا وتصرفا وكأنه انتم،،،بل هو أنتم،،،،،،فعلا وتصرفا
لن تحصدوا أهدافااااا...ولن تحققوا مخططات..ولن تجنوا الا ثمار الخيبة
إضافة تعليق جديد