وجودك جنبي

بقلم الشاعر: محمد حمدي علي
متابعة: شيماءعبدالعزيز

وجودك جنبي دا نعمه
مزيكا هاديه بسمعها
مع القهوه ف جمال صوتك
بحبك ..حتى ف سكوتك
يا لمسه توها ف الدنيا
متاهه قلبي ف عنيكى
ومش قابل اعيش ف غياب
انا موافق اموت فيكى
يا هاديه و طيبه جدا
وحلوه بكل تفاصيلها
كأنك طفله وانا ابوكى
وعايش بس علشانها
عنيكى ف حياتى دليل
كما نجمه ف السما
مغطى ضيها ع الليل
لو نزلت دمعه منك
تملى الحياه حزن وبكا
ولو طلعت ابتسامتك
يتجموا الأحباب
هايمين ف حب ولقا
يا مسكن العشاق قلوب
سامعه نداهم
وانتى ولا همك
خليكى كدا
نجم عالى ف السما
وصعب حد يوصلك
الدنيا مخلوقه ف ست ايام
وانتى مخلوقه ف يوم لوحدك
تكونى جنبي. ومتسبنيش
وأكتبلك جواب ساده
ممحى من الكلام
عشان الكلام ف بس عيونك
يادوب الوصف ميكفيش
يا ماسكه ف ايدى
متسبنيش هموت بعدك
وحلمى ف الحياه هيدوب
إياكى اشوف الدمعه
ف عيونك
إياكى اشوف حزنك
دا انا حياتى قبلك
كنت مليها ذنوب
ودعوه حلوه لينا
علشان سوا نكمل
ف السما تشتى
وأخد ضحكه من وشك
فا تشوفها هموم قلبي
فا تتحول كما لو كان محصلتشي