( وعد ومكتوب )

قلبى آيل للسقوط

محتاج لحبة ترميمات

والغلطه ف البدايه مني

وكل مره بقول فهمت

يطلع قلبى مش فاهمني

فمينفعش يجى ويعاتبنى

ده باينلوا وعد ومكتوبلى

ومتفصل على توبى

وتوبى ف الزمان ضيق

ومتخطط كما القضبان

و100 سجان يتبادلوا على همى

كلمه وسهلة المنطوق

لكن صعبه المعنى

( خلاص اهو مات )

تخرس وقتها الكلمات

وبجرة قلم فى قسيمه

تروح فى عالم المتاهات

مين يحزن ومين عادى

ومين هيشيل هم لغيابك

ومين تانى على بابك

هيجى ف يوم ويطمن

ابو رامى الاسواني

23/10/2021