ياسمين حافظ. تكتب ....كلامي إلى كل مصري أصيل

.. يا أهل مصر الكرام ياطافحين المرار هطلب منكم طلب بجد مش هزار .. كفاياكم بقى مقلسة ونقار ، وحاولوا تشوفوا حالكم عشان يطلع عليكم النهار ، وكفاياكم بقي نظرية ضرب الكلام بالرصاص والنار وتشوفوا العتمة حتى لو كنتم في عز الدمار ، حاولوا تتغاضوا وتشوفوا بعين تانية ما إنتم ياما عيشتوا في قهر وظلم وخراب بس قومتوا تاني وطلع عليكم كام نهار .. وياما عدى عليكم أشكال وحروب وتتار .. بس قمتوا بعزيمة جبار ، قوموا يلا حتى لو كان الحال في إنهيار كافحوا وإمشوا وبينا نكمل المشوار .. بس لأجل ولادكم عشان يعرفوا إزاي يحاربوا الأشرار وتاخدوا حقكم بكل حرفنة وإقتدار .. بلاش تهور زي الأطفال وكونوا كده عاقلين كبار يتعلم منكم العالم ويرفع لكم قبعة الأبطال يلا بينا بينا نكمل المشوار ...حمى الله مصر ..