؛ النصر لمصر؛ بقلم / أسر فاروق

شهر اكتوبر شهر النصر
نصرعظيم من بعد الصبر
شوفنا شهيدنا راح الجنة
وعدونا مات بعد القهر
كل العالم عرفوا قيمتنا
بعد جنودنا ما رفعوا رايتنا
سطروا بدماهم بطولات
رجعوا تاني كل هيبتنا
نصر اكتوبر شيء مش عادي
خلا الدنيا بحالها تنادي
علي ابطالنا ف كل مكان
وتردد لنشيدنا بلادي
ضربوا لنا تعظيم سلام
وقالوا كلام وكلام وكلام
ان المصري قادر يعبر
حقق شيء ولا ف الاحلام
رغم مرور الوقت عليه
لازم احنا نفكر بيه
والاجيال تعرف لتاريخها
ومحدش يقدر يمحيه