أحمد مكاوي: هذه خطوات يجب التأكيد عليها قبل تصوير الفرح

سامح علي

كشف مصور الأفراح أحمد مكاوي أن الفرح بيحصل مرة واحدة في العمر، ودايما الصور هي اللي بترسخ الذكريات الحلوة في ليلة مهمة زي الفرح، وعلشان كده اختيار مصور الفرح مش حاجة سهلة، وكمان له أساسيات.

وأضاف أحمد مكاوي مقابلة المصور على الأقل مرتين قبل الفرح، لازم يحصل اجتماع على الأقل مرتين مع المصور قبل الفرح، في المرة الأولى اتعرف منه على أسلوبه وطريقته، واعرض أفكارك عليه، وإذا اقتنعت بيه، في المرة التانية اتكلم معاه في تفاصيل وشكل وبرنامج الفرح.

وأكد أحمد مكاوي النقاط المشتركة بين العروسة والعريس، النقاط المشتركة بينك وبين عروستك زي الألوان اللي بتحبوها، مكان معين بتحبوا تروحوه، أو مثلا بتحبوا المغامرة وتسلق الجبال، كل الحاجات دي هتساعد مصور الفرح إنه يخلق أفكار جديدة للصور، وكل ما كانت الفكرة جديدة، كل ما كانت الصور أحلى.

وأوضح أحمد مكاوي عرض الأفكار في المقابلة الأولى اعرض على المصور الأفكار اللي عاوزين تنفذوها، وده هيكون من خلال الصور اللي عجبتكم بعد ما تدوروا كويس جدا وتتفرجوا على عدد كبير ما الأفكار والصور سواء على pinterest أو جوجل، ودي اللي هتكون مرجع بالنسبة لكم.

وأكد الحاجات اللي بتحبوها واللي مش بتحبوها، لأن الحاجات المشتركة بينك وبين عروستك هتكون عامل كبير في تحديد أسلوب تصوير الفرح وخلق فكرة جديدة. وده يخليك من البداية تبلغ المصور بكل حاجة بتحبها أو مش بتحبها أنت وعروستك، علشان يحط كل ده في الاعتبار وهو بيحدد فكرة التصوير.

وأضاف أحمد مكاوي صور قبل الفرح، لوناويين تعملوا جلسة تصوير قبل الفرح، لازم المصور يكون عارف الألوان والملابس اللي هتلبسوها أنتم الاتنين، لإن ممكن الألوان متكونش ماشية مع بعض، أو يكون في فكرة جديدة في باله حابب يعملها.