أدمــــــودو

 
***********
ادمودو جـــاني لخبط كيـــاني
مبقتش عارفة عيني من وداني
ادمودو ايييه معنـــاه يابيــــه؟!
دوا دا ولا...... باتون ساليه؟!
يكونشي  سوشـي أو أخ ليه؟!
عكـــاية م اللي ....مابنشريه؟!
يكونشي مرهم ركب جابوه؟!ه
لاجل الهشـــاشة قالــوا خدوه
ولا يكونشي الفنكوش المفنكش
الاختـــــــراع اللي.... محدش
لحد يومنــــا ...عرف أبــــوه
ه
ادمودو عمال بيطلع لي لسانه
يــاعالم ياجهله العلم دا أوانه
خليكـــــوا دايما كـــدا نايمين
عقـــول وصدت ومقفـــــلين
هاجـــري واسيبكم متأخرين
وآخد معـــايا أنا نـــاس تانين
ناس ليها قيمة وعقول َفهِّيمة
ناس في التقدم عقول عظيمة
مش ناس عقيمة موضة قديمة

ادمـــــودو خلِّــــى بالك منـه
بيجـنن اللــــي يقـــرب منــه
فـــي العزل يحْضَرلك جِنُّــه
لا هتـــهرب ولا هتروح منه
دا مجـــايب اللي متـــنورين
يــــاادمودو طب كنت قولي
اتأهـــــــــل واتغَّيـــــر كُلِّي
واترفــرش لاجل ماأعلـِّـي
علي الخلق ولا عمري أخلِّي
يسبقنـــــي منهم متـــريشين

ادمـــــودو مش كنت تعلمني
علــــى أدِّي كنت تفهمنـــي
قبـــــل ماتيجــي وترمينــي
في البحروابقى من الغرقانين
وتقول لي  : علِّـــم يامـــعلم
خلِّــــي الرســــالة تتـــــكلم
اعلـــــم مين وأنــا المسكين
تعلــــيم عــ النت فيـه هنفت
في الشوربة اهواحنا عايمين

ادمـــــودو بــــالله ترحمنـــا
يابــــروف احنـــا اتعلمنـــا
أَ   بَ    تَ   سَ جُ   حُ   نْ
شـــــــــــــــوف مـــن سنين
أبـــــي معلم  ، أمــي طبيبة
سعاد وعادل كانوا شاطرين
وقطتي الصغيرة الـلي اسمها نميرة
خَرَّجــــوا دكاترة ومخترعين
طلـــــعنا منهم بالمــــلايين
من غير برامج ولا مواقع
ولابيدج شخصي ونت واقع
متظيتش علينا ياآبو الآدمين
دا احنا برضــــــه بني آمين
                              *********
                               مايسة إمام