رئيس مجلس الإدارة
د/ نبيلة سامى
صحافة من أجل الوطن
( مجلة مصر )
( أحدث إصدارتنا)
الجمعة 15 نوفمبر 2024 7:47 م توقيت القاهرة
رئيس مجلس الإدارة
د/ نبيلة سامى
صحافة من أجل الوطن
( مجلة مصر )
( أحدث إصدارتنا)
بقلم مصطفى سبتة
وقفت أبص أنا في الشارع
ووطيت والطريق ضلمة
قالوا لي الناس إيه وقع منك
فلوسك ولا وقعت منك الساعة
فقلت أمل ضاع منى يا جماعه
والأمل إذا ضاع ما تلقاهوش
مع الباعةأمل إني أعيش مصري
بجد وراسي أنا مرفوعة
أمل ما يكونش في قلبي
يا عالم حتة مقطوعة
أمل ما يكونش وفي دماغي
مناطق ضلمة وممنوعة
لقيت ولا واحد. اتكلم
لقيت كل الزحام فى ثانيه
اتلم لم وقرب واحد ابن حلال
وجا جنبي وقاللى بذوق
إذا وقع الأمل منك بلاش تبقا
تدور تحت لكن ابقا دور فوق.
بتجرى ورايا ليه يا بوليس
لقيت دمى هرب منى
وفاجأة خليت من الاحاسيس
لقيت خطوتى اختلت
لقيت هدمتى ابتلت
بقيت وانا بجرى بطوح
بقيت مش عارف دى حاجه بجد
ولا دة نوع من الكوابيس
بتجرى ورايا ليه يا بوليس
دة انا فى حالى ماليش فى الدنيا
صوت ولا جسم دنا. ناقص
لو خرجت مع حبيبتى اجيب
تصريح ياناس من القسم وادلدل
راسى وبوطى وفى الصيف بامشى
متغطى وأقوم من وسط اى جماعه
بتعارض ولو ابليس بتجرى ورايا
ليه يابوليس ده انا اصلا بخاف
اشترى الجورنال وفى آيات بخاف
اقراها فى القرأن ولما افوت على
التمثال بقول شللاه يا شيخ رمسيس
طب قولى عملت ايه وانا اتوب
منا عارف بأن حاضرنا وماضينا عندكم
مكتوب بتجرى ورايا ليه يا بوليس
دة انا ل كلاب حارتنا بدفع الفردة
واخاف اسخن اكلى باكل لقمتى باردة
ودايمٱ بعتبر نفسى عروسه والحكومه
عريس بتجرى ورايا ليه يا بوليس
وفاجأة كعبلتنى الطوبه بنت الكلب
فجأة وقعب قرب لى ومامسكنيش
عرفت أنه مايقصدنيش وبصتله
اتاريه كان بيجرى بسرعه
إضافة تعليق جديد