أنا أهلك.. بقلم أبو رامي الأسواني

( انا اهلك )
انا العاشق انا الشهيد الحى
انا الداير ف محرابك
انا شمسك انا بابك
انا القمره اللى تضويلك
انا ليلك
انا همسك ف وقت الضيق
ولما الليل يندهلك انا اهلك
يا ساكنه ومالكه كل شي فيا
يا نجمايه وضلايه وشمسايه
يا عمرى لما عمرى راح
وولا عنى الكل وسابونى
وانا ماسك لسه فى خيالك ونسيانى
يا اجمل حته فى كيانى
انا العاشق ولسه برضو ف محرابك
ب اصلى واطلب من المولى
تحسي يوم باحبابك
يا قاسيه القلب والنيه تزيدى البعد والهجران
ف وقت الكل ما سابوكى
جابوكى لحدى وانا طالب
بس نظرايه
منا العاشق وانا الناسك ف محرابك
ابو رامى الاسوانى