أنا والايام شعر لتامر جلهوم

شعر : تامرجلهوم ..... الكاتب والمخرج

 لاتشكي للناس جرحاً أنت حامله...لايؤلم الجرح إلا من به الألم

أروح لمين أشكى وأشكى لمين حالى.

وأنا اللى فيك يازمن دابت أحوالى.

وانا اللى منك يازمن شمت بيا عزالى.

ومشيت ليالى وليالى وطعم المر يحلالى.

كان ليا صاحب زمان رخصتله الغالى.

ومشيت معاه يازمن وطلعته فى العالى.

وعملته أعز الصحاب ووهبتله مالى.

وبالى بيه أنشغل ولا كانش يوم خالى.

وقولت خلاص يازمن بكره الحظ يصفالى.

وعملت قلبى طريق وفرشته بالحنه.

وزينتهوالك يا صاحبى وعملته ليك جنه.

وقولت أن الوداد هايعيش سنين بينا.

أتارى ياعينى الزمن بالفرح عشمنى.

وفى يوم وليله غدر الزمان بيا.

وأتارى صاحبى ياعينى كان طمعان فيا.

وشوفت الغريب والقريب يبكوا على حالى.

أتارى الزمان غدار وما فوهش حنيه.

أشكى همى لمين وكل الناس خاينين.

تايه فى دنيا همومى والعمر عدى حزين.

نفسى أقابل صاحب على السر يبقى أمين.

والأب يبقى قريب منى يخفف عنى هم سنين.

والأم تداوى جراحى بحب وقلب حنين.

جراحى كتير تألمنى برىء والناس تاهمنى.

ماشى لوحدى بهمى يامين على الهم يعينى.

روحى يادنيا بهمك روحى هاتى حبيبى يداوى جروحى.

أروح لمين أشكى وأشكى لمين حالى.