أنت لسه بتسألي بقلم مصطفى سبتة

أنا الاقصي أنا الاسير أنا أبنك
أنا الشهيد حسن شلبي بناديك
أنا الشهيد حمزة أ شتيوي بغنيلك
من دمي وألمي وجهادى برويلك
أنا زينة الشهداء أنا طفل من أطفالك
أنا اللي بدمي الجنةأتزينة بمناديلك
أنا حزنك أنا دمعك أناشايل همومك
أنا همسك أنا صوتك وأناصمتك
أنا العاشق أنا المحبوب من قلبك
أنا الشاري أنا فاني في جمالك
أنا الهايم أنا المشغوف بهواكي
أنا ليلك وانا نهارك وأنا شمسك
أنا ضلك وأنا قمرك وأنا نجومك
أنا نبضك وأنا دمك وكمان شريانك
أنا الجالس أنا الحاضروماضيكي
هو انت لسه بتسألى ياروحي أنا أبقى إيه
طيب حقولك اسمعى ياحبيبتي اللى مداريه
أنا الشارى ياقلبي يا نور عيني ساعة
ما الكل اتخلوعنك و باعوكى
و أنا الصاين لسرك لما خانوكى
و أنا الراسم بحلمى لون خطاويكى
و أنا الراضى بسجنك ﻻجل أرضيكى
أنا العاشق وزيى يوم ما حبك حد
و أنا البانى ما بين حزنك و فرحك سد
و أنا الحاضن بعمره برد أيامك
و أنا الغاوى يحقق كل أحلامك
أنا الضمة اللى مسكونة بميت إحساس
و أنا الهايم فى ملكوتك و أنا الحراس
و أنا الراضى بموتى ﻻجل ما تعيشى
وانا المليان حكاوى و برضه ما احكيشى
أنا بكرة بياخدك من ضلام أمسك
أنا سكوتك و ضحكاتك
و أنا همسك أنا لمسك أنا عشقك
أنا الحلم اللى مستنى عشان تعيشيه
عرفتى يا حلوة دلوقتى
أنا أطلع ايه بجد أطلع أيه