أنين غزة.. بقلم الشاعر/ محمد غبن

غزة الحبيبة بتئن وصبحت تحت الرماد
إتيتمت أسر بطلقه حقد وغشم من جوا زناد
حتي الطفل الصغير اللي إتخلق وإتوجد ساعة ميلاد
مات مشفش ضي نهاره ملحقش يعيش في البلاد
و دم إتجمد في العروق كإن دول ناس مش مننا أوغاد
أصحاب معالي عايشين في ترف
سكر وعربده ورقص وقرف
ملناش غيرك يارب أنت شايف همنا
تقتص لأسر عزل ضحايا من كفره
يستحقوا العقاب
هدموا البيوت والديار
خلقوا الفزع جوا الشباب
لكنهم نشاما قالوا والله إحنا في أرضنا قاعدين
حتي لو موتنا كلنا إنتي في دمنا يافلسطين
بكتبلك و قلبي بيتعصر عليك حزن وأنين
برغم إن إستشهد لجل ترابك ناس من ديارنا بغزه
قالوا إحنا لأرضنا مش راحلين
حتي لو مات مننا الكتير برضوا نفديكي بالروح والعين
هنروح عند ربنا عايشين في جنات الخلد ليوم الحشر المبين
وهنآخد حقنا بعدل ربنا أمام الخلايق أجمعين