إتمنيت أكون وياك

الكاتب والشاعر : الحسيني محمدالبديوي 

إتمنيت أكون وياك
وياما قلت وأترجاك
جي ليه النهارده
وانت مليان اشواق

وكنت اتمنى زي النهاردة
تيجي ليه الوقتي ليه
وقلبي مليان اشواك
بنفس الإدين اللي جايه تتمدلي  

روح قول للنفوس
بعد الخدوش اتعدلي

الوهم خانك قول ايه اللي جابك
وماتقولش ليه
ليه ليه بتسألي

ياما الدموع بكت من نار حنيني
وانا كنت بستناك تجيني

كنت اتمنى ف يوم اكلمك 
دا الشر ساكن مأمنك
قولي مين يقدر يعيش 
 والحياة مليانه رتوش
وبعد ماجناحة اتكسر
جي تقول ارجعي 
قصدك قول اتوجعي 
اوعاك تقولها تاني ارجع 
قلبي في حبك اتوجع
القلوب ياحبيبي اتغيرت
ومن قسوتك عليها
اتكسرت
لو الصدور ليها مفاتيح
كنت تشوف الكلام صحيح
جي ليه بعد فوات الاوان
وتقول تعالي نرجع اللي كان
روح يازمان و تعالى يازمان
واحسب دموع العاشقين
واحسب حبات المطر
وقوللي اه وقوللي
مين رجع لمين.

2021/08/26م