إحتمال

إحتمال
ماكنتش الفارس بتاعها
ولا جيه ف بالها
دبلتي تبقى ف صباعها
بس الأكيد
كانت أمينة ف كل كلمة قالتها ليا
مش داخله وياك تمثلية
أنا هو وقت وتجربة
صابت يا خابت
لو طالت المدة مابينا
مضطرة اقولك ميت سلام
وأفتح لقلبي باب جديد
طب والكلام....!!
دخان سيجارة من سجايرك
أنا مش بعايرك
إعتبره حلم من اللي بالك
مش ياما قبلي حلمت ياما
وخسرت ياما...طب إيه جرالك
خلينا ننسى كل حاجة بالهدوء
ونقول شابوه للذكريات
عندك كلام...طيب تمام
نصيحة ليك...!!
لما تحب ...
بلاش تسلم للي حبيته المسار
أجمل قميص ممكن يبوظ
من فتلة كرت خيط زرار
من غير زعل....
بلاش تكون زي الحمار

أحمد الصارم نقول سلام...أوكيه سلام