إزاى تحافظى علي البروتين. في الشعر و يعيش معاكى ويفضل مفرود مع "خبيرة التجميل" مروه بسيوني عزقل

الشامبو مرة واحدة فالاسبوع فقط و طبعا شامبو يكون مخصوص للعناية بالشعر بعد البروتين لان الشامبو العادى هيكسر البروتين

متغسليش شعرك اكتر من ٣مرات فى الاسبوع ،مرة واحدة بالشامبو وحمام الكريم وبعد كده اى غسله بحمام كريم فقط

مينفعش تنامى بيه وهو مبلول او تلبسى حجاب عليه وهو مبلول لأن الشعر بيكون وهو مبلول فى أضعف حالاته وبيتشكل بسهولة على الوضعية اللى هيكون عليها ومينفعش تربطيه او تحطى توك فيه وهو مبلول فياريت تخلوا بالكم كويس من النقطة دى

طيب المفروض لما تغسليه تعملى إيه؟؟
لما تطلعى من الحمام تستنى 5 دقايق كده قبل ما تسرحيه علشان مسمام الشعر بتكون مفتحة وغلط التسريح اول ما تخرجى علشان ميحصلش تساقط وبعد 5 دقايق تسرحيه وهيكون لسة مبلول برده وتحطى السيرم اوعى تسيبيه ينشف يدوب بس يرتاح وتسرحى

حافظ على ترطيب الشعرة
يعنى لازم شعرك يكون رطب لان الجفاف بيخلى الشعرة تنشف وتتكسر والجفاف عموما غلط على الشعر سواء معمول بروتين ولا ﻷ و دايما اهتمى بنهايات شعرك لأنها بتكون اكتر جزء باين فيه التقصيف و ده لأنه مش بيوصلوا غذا من فروة الراس وبيكون شبه ميت وكل ما الجفاف بيزيد تقصيف الشعر بيزيد و التقصيف اللى بتكلم عنه اللى هو تشقيق الشعرة وتحسى ان الشعر حتى لو معمول بروتين بتلاقى اطرافه مفرودة بس ناشفة وبتشوك و دى علاجها الترطيب ويعنى تستخدمى السيرم وياريت كمان تدهنى شعرك زبدة شيا كمان واهتمى بالاطراف جدا زى ما قولت وكل ما نوع السيرم و زبدة الشيا وحمام الكريم والشامبو كويسين وانواعهم نضيفة كل ما الشعر حالته بتكون احسن

لو هتسافرى مصيف او بتدربى سباحة مينفعش تنزلى البحر او البيسين من غير البونيه لان الاملاح والكلور عدوة البروتين
يعنى قبل ما تنزلى المية خالى شعرك مبلول مياة وادهنى شعرك سيرم ولفيه كويس والبسى عليه البونيه المخصوص للسباحة اللى هو زى الجلد عارفينه طبعا و فايدة الدهانات دى بتحمى الشعر علشان لو لا قدر الله المية اتسربت من تحت البونيه يبقى الشعر متغلف وعليه طبقة تحميه

ياريت متربطيش الشعر بتوكة استك علشان متعلمش فيه ولو عاوزة تلميه يبقى حطى توكة مشبك اللى بتتفتح وتتقفل دية

اوعى شعرك يكون فيه قشر تقومى غسلاه بخل مثلا لانه ساعتها هتلاقى شعرك البروتين اتكسر وبرده اى شامبو ضد القشرة هيكسر البروتين من شعرك وبلاش تستخدمى حاجة متعرفيش تأثيرها على شعرك هيكون ايه الا لما تسألى حد متخصص ويفيدك

واهم حاجة فى الجو الصعب الحر ده العرق
و العرق يعنى املاح والاملاح غلط جدا على البروتين فنحاول بقدر الامكان واحنا خارجين نلف اى حتة قماشة قطن على الرقبة علشان الشعر ميبقاش لازق فى الجلد والعرق يبله ويخليه يموج من عند الرقبة بسرعة وياريت متكتميش شعرك لفترات طويلة بالحجاب.

ممنوع استخدام الزيوت الخام التقيله زىيت الزيتون والخروع وخلافو ا لانها ممكن تحل محل البروتين فالشعرة وتطرد البرويتن منها بيرجع يتكسر
ممكن استخدام زيت ارجان اصلى او زيت لوز اصلى خفيف
لانهم زيوت خيففيه عالشعرة وعدم الإفراط