إسكندرية بقلمي (مصري الملاح)

إسكندرية ومحروسه ببحرك.... ورملك وساعة مطر حضنك تصفا القلوب وبسمة تقولك.... حبك سلاسل دهب فجوك ساعه شتا ولا فخريف قمرك.... ودفا صيفك فضحكه شمسك محروسه وعروسه فى بلدك.... واقف من العشق بغنى فحبك عطشان بحن ليوم قربك..... ساكن بروحى وبهاجر بعقلك علشط بشكى الهموم فى سرك.... بسأل سؤال يجاوبنى بحرك موجه وتعلى الموجه على شطك واقف حزين بحكى فحضنك... وفجأه ليلك يطل فعيون قمرك أسمع ندا وصوت يجاوبنى منك... أفرح وأكون سعيد أنى بحبك يا أسكندريه والعشق فدمك... وعلى الفنار سلامى بيودك ومهما طال الغياب هفضل أقولك عاشق نسيم بحرك ولحظة مطر حضنك فيها الدفى والعشق مالو هوا إسكندرية وعاشق ملامح بحرك.