إهــداء الي كل أعلامي حر وشريف

بقلم صلاح الرحاب 

واخص بنتي عبير فوزي

الاعلاميه اللي دخلت قلبي

أجعل ضميرك قـلم

أكتب حروفك نـور

متخافش لحظة ندم

أكشف عن المستـور

أثبت ثبـات العلم

متكونش يوم مأمور

الحـق لـو يـنكـتم

يبقى القلم مكسور

ولا تبقى يوم منـتقم

ولا فى الحقوق موتور

بـيك الضمير ينتظم

شرف القـلم دسـتور

العتـمه لـو تحـتـدم

أفرش طريقها زهور

أكتب أمـل وأبـتسم

وأزرع بروحنا سرور

بــر الحياه مزدحـم

والكلمه جسر عبور

أجعل ضميرك قـلم

أكتب حروفك نـور

واعمل حساب اللي انظلم

وتدخل حياته مسرور