افرح يا شهيد .. شعر

بقلم ...  اسامه العتمانى 

الاقصر 

ياشهيد افرح فى قبرك

انت سبت الدنيا فعلا بس روحت فى مطرح احسن جمب ربك

ياشهيد حقك علينا مناموش الا لما ناخدو حقك

يابلدنا نفديكى بعيونا وحياتنا

هنتكلم وصوتنا يفضل برضه عالى

وقت مالناس تكون عايزة سكاتنا ولا استسلام ولا هنتراجع ولا هنخاف

كل ضربة تزيدنا قوة مش هنطلع من بلدنا

يطلع الارهابى هو كل مايفجر ولا يقتل فينا واحد يطلع الف غيره من جوه

كل مايزيد فى قتالنا كل مابنزيد عزيمة

كل مايقلل فى شانك يابلدى برضه شايفينك عظيمة

كل ماتموت العساكر كل مايزيد التحدي

كل ماتزيد القنابل بتلاقينا برضه نعدى من زمان

ولا انكسرنا ولا اتهزمنا دايما مزهزه علمنا

اسال الهكسوس قبلك واسال الصهاينة برضك

روح واسالهم علينا واسال التاريخ وقوله مين دولا ياتاريخ هيقولك احمس ومينا

واسال رمالنا فى سينا ع الجبهة ماتو 200 بطل ولا رضيو بوقوع العلم

سندو العلم ايد تموت وايد بتسند نموت ولكن برضه نعند العناد

فى حب البلاد شئ مقدس تفضل بلادنا ان شاء الله كل الدنيا تخلص

اوعى تبكى يابن الشهيد وتقول ابويا سابنى ابوك مراحش فى حتة

يابنى ابوك راح عشان يشترينى ويشتريك وكل واحد فينا يبقي غصب عنه اب ليك

اوعى يامة تبكى وتقولى ابنى راح ابنك مافرطش فى بلاده ابنك كاتب وصية

ابنك ياامى فوق فى جنات النعيم

ابنك ياامى ربنا خالقه عشان يخزى كل شيطان رجيم

يابلادى يابلادى دائمأ فى اذهار

فتحت نافذتى التى تطل على النيل المبجل رايت القمر يتراقص فرحا

فتشت فى خزائنى لم اجد سوي علما مرسوما بلون الانتصار

يابلادى بعشقك والعشق زايد والله غيرك قلبى مرايد دوسي يبلادى وخطى وطول مااولادك معاكى تملى حتهون الشدايد