الأنبا أرسانيوس النهاردة عريس

تاريخ النشر : الأحد, أغسطس 12, 2018 - 18:09

أبكى يا منيا يا كسرة قلبك
راح الغالى و معدش راجع
أبكى يا مصر أنتى و شعبك
مطران المنيا ملانا مواجع

الأنبا أرسانيوس مشى و سابنا
سافر خلاص و راح السما
فراقه فى القلب يارب صابنا
عزانا أنه فى أحضان الملايكة اترما

مبروك عليك السما يا سيدنا
مبروك عليك حياة الملكوت
نار الفراق جوانا بتقيدنا
لكن ده قدر و حكم الموت

يا ملايكة فى السما زفى
النهاردة فرح أعظم قديس
دورى حواليه بالفرحة و لفى
الأنبا أرسانيوس النهاردة عريس

سلام يا سيدنا و 1000 سلام
يا ملاك و فارق المطرانية
أديت رسالتك بجد تمام
أتممت رسالتك الربانية

عيش فى السما عيش
مبروك عليك اجمل حياة
دى الدنيا فعلا متساويش
من فراقك 1000 آآآه

مسلم مسيحى حزين عليك
لأنك كنت بجد محبوب
هتغيب و هيفضل ليك
حب عايش جوة القلوب

الأنبا أرسانيوس عايش فينا
مش هيتنسى أبدا مستحيل
عايش فى قلب محب و مينا
بحب أهل القرآن و الإنجيل

كلمات : محمد فتحى

تصنيف المقال :

إضافة تعليق جديد