الدنيا مش مستاهلة

كتب تامرعازر المناهرى

عيش اللى فاضل من عمرك.
قبل مايخونك قدرك.
كن محب لكل الناس.
وكرامتك تكون الأساس
عيش ومتفرطش في احبابك.
وشيل في قلبك اللى كان على بابك.
الدنيا علمتنا كتير.
وفي ناس مينفعش معاها التغيير
ولا حتى لغات حبك في التعبير.
اختصار وتهميش اللي بايعك.
هو دة اللي مش نافعك.
حب القريب منك.
وبلاش تهميشة.
لو شافك في ضيقة يقسم لقمة عيشة.
صديق وحبيب من القلب .
يخدم بعمرة ويعرف معنى الود.
الدنيا مش مستاهلة نزعل من بعض.
مش نعمل واعظين وناكل في بعض .
نمتنع عن الاكل ونقول صيام.
ونقطع في بعض وتقبل على النوم.
عامل حساب بكرة.
يمكن مفيش بكرة اساسا.
والجار ياكل في جارة.
ويجى على ابن الاصول يقل مقدارة.
صائمين عن الاكل والشرب .
ونيجى نقطع في بعض.
والناس مش مستحملة بعضيها.
أصبح الكل يتمنى من الدنيا ماضيها.
الدنيا مش مستاهلة ومين يسمع .
الظلم والحقد عمرة مافي يوم لحد بيشفع.