الطيب ف الزمن ده.. شعر أميرة وليد 

بقلم /أميرة وليد 

الطيب ف الزمن ده
بينجرح ولازم يعيش
مهما تعمل برضه يقولوا

ايه عملتوا ايه مفيش
كله بينكر المعروف
كلوا مع الايام بيبان

اوعى ف يوم تتعشم ابدا
ف حد خسيس وجبان 
اصل اللى يسند ع حيطه مايله

اخرها اي غير الوقوع
دول ناس ملهمش اي امان
شبعوا شبعه بعد جوع

وان ف يوم قولت الاه
متلقاش حد يهتم
كأن معندهمش دم

شاطرين ف الخداع
عقارب وتعابين بسم
رقم واحد معروفين ف الغش

تديهم عسل بيدوك مش 
مش بيحسوا بيك ابدا
مهما تعمل مبيتحسبش

وان مشيت جمب الحيط
يقولو الحقوا بصو العبيط
وان بعدت عنهم

يقولوا متكبر وعايز سيط
وان اهتميت بنفسك
يقولوا عنك مغرور

وان وقفت جمبهم
يقولوا عنك بدر بدور
ف المصلحه تلقى كله معاك

كله يقولك حاضر ياسيدى
ياه على الناس الجاحدة
اللى مخدتش بإيدى

بزعل اوى على نفسي
من اللى حصل ويايا
كله قل بأصله معايا

وان اتكلمت معاهم
كأنى عملت جنايه
طب اي اخرة عذابي

كل اللى افتحله بابي
بيأذينى ويخدعنى
وف ضهرى بيلدعنى

تعبت من الجراح
كأنى سجين 
اطلقوا بقا السراح

عن الطير الحزين
اللى كان مناه
يبقى حر
ليه تأذوه

وليه ينضر
هو كان اذاكم
عشان تأسروه
او تظلموه
اوتعيشوه

حالة من العذاب
بأن تحبسوه ف قفص
وتحكمواعليه بالموت
هو كان فاكر هتصونوه
لكن غدرتوا بيه

وف قفص حديد
قفلتوا عليه
مداقش من بعدها 
الا كل مرار

وكل يوم كان يعدى
كان هو ف انتظار
ان ترجع حياته تانى
انه يرجع تانى سعيد

لكن يعينى عليه
هيكمل حياته وحيد
امنيه