العمر التالف.. بقلم رباب عبدالفتاح

لو رمينا العمر التالف
مش هيبقى الا الأنين
والنواح على عمر عدا
من غير ما تعيشه

لو لقينا بكرة خايف
اهرب بسرعة للماضي الجميل
لحظة سعادة عشتها
فى عمر الطفولة

وغمض عيونك للأبد
ومترجعش لزمن الزيف
عمر تالف للبيع
منتهي الصلاحية
من يوم ولادته

شايف الخوف مرايته
والحزن رفيق
قرر يخوض التجربة
يمكن فى يوم ينتصر
ويقدر يعيش

تصنيف المقال :

إضافة تعليق جديد