( الفقر نعمه )

كنت قاعد اشرب قهوة
نزلت مني دمعه سهوة
وافتكرت فجاءة زماني
كان رماني قال في حضنه
قالي يعني كآني ابنة
رحت سرحان في اللي كان
وكآني باشا من زمان
وكآني حاسس بالأمان
وانا اللي طول عمري
ياناس في الفقر غارز
وكنت عارف بإن فقري
ده وراثة مش فراسه
ودي الخلاصة
مش جديده اني فقري

لما الدمعة مني نزلت
والله حسيت بالإهانة
وبامانه
حالي ما في يوم كان عاجبني
بس قالولي بص يابني
لازم تحس بانك
شيئ ضعيف
خليك خفيف
متشغلش نفسك باللي كان
وتعيش نفسك بالاماني
وانت اصلآ مش طايلها
منتا فقري بس يابني
والفقر ليك صدقني نعمه
ما لو غنيت اكيد هتعمي
ومش هتشوف حد تاني
وتعيش اناني فبلاش اماني
يعني لازم اقولها تاني
منتا فقري ومش جديد
بس عارفك واد حديد
وبرضو هتعيش في الاماني
واوعي عمرك تكون اناني

أبو رامي الاسواني
٧/٦/٢٠٢٠