الفنان مفيد عاشور نجم سلسال الدم في حوار من القلب مع الإعلامي هشام فتح الله 

حوار :_ هشام فتح الله

الفنان القدير مفيد عاشور فنان ومثقف ولديه القدره على التلون في الادوار فهو النصاب في مسلسل الركين ، وهو الزعيم انور السادات في مسلسل امام الدعاه، وهو الراجل الصعيدي الجدع في مسلسل سلسال الدم ،هو الطبيب النفسي في حدوته مره ، وغيره من الادوار الرائعه والمتميزه

في حوار من القلب مع الاعلامي هشام فتح الله يتحدث:_

** ربما لا يعرف الكثيرين ان حضرتك خريج كليه الهندسه وكنت مميز في الدراسه فعل حضرتك ندمت على ترك مجال الهندسه واشتغلت في مجال التمثيل ؟

بالطبع لا !! انا لو عايز ابقى مهندس كنت بقيت مهندس شاطر وكويس لأني اخذت الكلية وكانت تقديراتي كويسه جدا وكنت متفوق لكن انا كنت حابب مجال التمثيل وكان والدي الله يرحمه مش موافق فقال لي خلص الهندسه الاول وبعدين خش اعمل اللي انت عاوزه ، وهو كان صح لان لما دخلت المعهد العالي للفنون المسرحيه كنت داخل مش مضغوط بدرس في المعهد وانا مش جاي اخد بكالوريوس انا كنت جاي استمتع والاجمل وقتها اني تتلمذت على يد عمالقه عمالقه الفن الاستاذ كرم مطاوع والفنان الكبير جلال الشرقاوي رحمه الله عليهم والدكتور اسماعيل الشافعي وغيرهم من الاساتذه العظام

** آية الدور اللي حضرتك قدمته وقدمك للناس بشكل كبير ؟

اول دور قدمته مقدم للناس بشكل كبير ومميز شخصيه الاديب الدكتور طه حسين كنت لسه متخرج من المعهد العالي للفنون المسرحيه سنه 1990 وكان حظ كويس ان الشخصيه مقدمهاش غير اثنين من كبار نجوم مصر الاستاذ محمود ياسين عملها في فيلم قاهر الظلام ،والاستاذ احمد زكي عملها في الايام انا كنت بحب طه حسين اساسا وانا كان في بيني وبين الدكتور طه حسين علاقه وجدانيه واثناء ما كنت بذاكر في ثانويه عامه كان في مسلسل بيتذاع في صوت العرب اسمه اديب كانت قصه الدكتور طه حسين كان الدكتور طه حسين بيقول المقدمه بصوته انا طول ال 30 حلقه عجبني الصوت ده جدا في بدأت أركز في صوته ب وطريقته عجبتني ، هو كان بيقول في المقدمه مثلا:_

 هذه القصه ليست فيها شيء من الخيال..... إلى آخره

وصلت معايا لدرجه اني لما كنت باكتب حاجه في التعبير مثلا كنت بكتبها بطريقه الدكتور طه حسين 

**حدثنا عن دور حضرتك في مسلسل سلسال الدم اللي قمت فيه بدور الريس هاشم ؟

سلسال الدم من الادوار الجميلة اللي قدمتها برغم ما قدمته من اعمال كثيره الا ان دور الريس هاشم في مسلسل سلسال الدم من اكثر الادوار اللي علقت مع الناس ، ولاقت إستحسان كبير من الجمهور لدرجه ان اغلب الناس في الشارع بتنادي علىّ رئيس هاشم ياريس هاشم وبرغم ما قدمته بعدها من ادوار كثيره و ويمكن اهم الا انهم ما زالوا يذكروا هذه الشخصيه وعالقة في اذهانهم وعجبتهم بقدر كبير

**في النهايه لو حبيت حضرتك تاخذني انا وجمهورك في حياتك الشخصيه تحب تقول ايه؟

زوجتي تربت في بيت فني وتعلم حجم الضغط والمجهود الذي يتحمله الممثل ، وكانت مؤمنه بي اني كويس وتحملت الكثير من الصعاب والأزمات، ولم تضغط عليا في اي شيء لا ماديا ولا معنويا ، حتى لو فيه عمل ومش عاجبني ومفيش معانا فلوس تقولي لو مش عاجبك متعملوش ،ومن هنا اقدم لها كل الشكر والتقدير على ذلك لانها لم تضغط عليا اني اعمل عمل لمجرد انه ياتي بالمال ، عندي من الابناء ٤ اولاد 

عبد الله وعبد الرحمن 25 سنه متخرجين ، وعمر بيدرس في كلية إعلام، وعمرو بيدرس في كليه سياسه واقتصاد

 عبد الله هيبقى مخرج، وعمر هيمثل وانا ما كنتش عايزه يمثل لاني مش عايزه يمر بالتجربه الصعبه اللي انا مريت به

**حضرتك شايفه صعبة؟

طبعا صعبة لأنك بتشتغل على الجهاز العصبي طول الوقت لأنها مهنة غير مستقرة ولكن هذة حياته وأتمنى أن يكونوا احسن مني ويكون عندهم توفيق أحسن مني وربنا يكرمهم

في نهاية حوارنا بنشكر حضرتك على اللقاء وسعة صدر حضرتك ونتمنى لحضرتك مزيد من النجاح والتوفيق