انتشار .... موضة تقليب البنات ماديا باسم الحب

كتبت : نورهان على

هناك من يصطاد فريستة باسم الحب وعلى وجه اخر هناك ايضا من تصطاد فريستها باسم الحب ويصبح الحب هو جسر عبور لاستنزاف الحبيبة أو الحبيب ماديا ومن ثم تنتهى العلاقة بينهما بعد ان تكتشف الحبيبة انها كانت فريسة ليس الا ودورها انتهى عند تقليب الشباب ....عبر الشباب والفتيات بطريقتهم فى السطور التالية دون تدخل منا .

في،شباب بتقلب من بنات فلوس كتير و هدايا و ما الي ذلك

و بمنتهي الذكاءو فيه بيعملها كوسيلة ضغظ

مثلا عشان يفضل معاها و مسيبهاش بعد ما علقها بيه

دول بيكونوا احيانا مش محتاجين اصلا الفلوس دي و لا المصلحه دي

بس لمجرد انه يشبع رغبته في انها تحت امره او مثلا هو جواه مش بيكتفي بحاجة

و في بيطلبوا وش مقابل عدم الفضيحه

و في بيطلبوا من باب العشم

و بالنسبه للبنات

انها ساعات بتكون عاوزه تحس انها مرغوبه ف بتقلب اللي قدامها و تخليه يجيبلها حاجات عشان احساس انه بيجيبلها بس

ده الشق النفسي

لكن الطبيعي هتلاقي انها بتبقي فراغة عين و نقص و طمع من جواها

المواقف

اعرف بنات بيكونوا مرتبطين و بياخدوا شبه مصروف شهري من الولاد دول

ده غير الشحن و الاكل وما غير ذلك

اعرف واحده كانت تروح هي و اختها تشتري حاجات من محل و تتصل بيه علي اساس ان في مشكله و تخليه يدفع

اعرف واحده تانيه برضو واحد قالها غيري لبسك عشان ضيق خلته يشترلها هو هدوم

بالنسبه بقا للولاد

في ولاد يطلبوا ببجاحه

قالها عاوز نضاره

ريبان هاي كوبي

و جابتهاله

و كان ناقص علي تمنها عشره جنيه

اخدتها منه ساعة ما كانت بتجيبهاله

و فيما بعد طلبها منها

و في مثلا واحده حكتلي ان واحد كان ياخد واحده صاحبتها في أشهر كافيهات في السويس

و لما يجي الحساب يعمل نفسه نسي الفلوس

و في واحده اعرفها كان اللي بتحبه يتصل بيها يقولها انا دلوقت واقف في الصحرا و عربيتي عطلت اشحنيلي اجدد الباقة للمكالمات عشان اكلم الميكانيكي

و كانت الباقة ب 200 جنيه

.......................................................

أحمد منصور صحفى

أول شروط الحب انه يكون منزه عن كل شيء ولو دخلته الماديات انا بعتبره مات

ثانيا انه يكون علاقة مقدسة بين اتنين مش مستنية ايى توثيقات لا بدبلة ولا بورقة

ثالثا عطاء بلا حدود غير مشروط كل شيء جايز مادام يسعد أحد طرفي العلاقة أو كليهما

.......................................................

عصام شويل

ده بيبقى نقص

بيكونو فاكرين أن دي شطارة

انهم يتباهى قدام صحابو

انا جالي كذا و بتصرف عليا

.....................................

محمد عبدالعليم

الموضوع منتشر جدا

وجزء منه اللى يكدب انه بيحب انسانه عشان يوصل عن طريقها لانسانه تانيه والعكس

انا اعرف بنت بتحب واحد ومعاه في كل حاجه بس لازم تكون بتكلم حد تانى وتستغله وتدي لحبيبها

...........................................

أحمد رمضان لاعب كره

دي بترجع للشخص وال يقبله ع نفسه كده ميبقاش راجل ومفروض يعرف انه ليه اخت او هيتجوز ويخلف

بنت دا بقي يا اما نقص يا اما سوري مش تمام وفي كلام مش عارف اقوله ازاي او اعبر عنه