انتي - - اكيد وحشاه

شعر /محمود فتحي
بيني مابينك
قمر في سماه
حاطط يده علي كتفي
وقايل الآهه
كلامي الاولاني غرام
وأنا  جواه
هواكي الشبابيك حواديت
طريق ماشيه
مصابيحك مجاريحك احاسيسك
اكيد سكناه
بواخر شوق تقربني
تمد ايديها وتسبني
لكني معاه
عريس البحر ألواني 
دموعي ويا فرشاه
وصوت الموج بيتخبط
 بيتوجع  - - 
اكيد سامعه
وسفر الليل كما المواويل
 قلوب ناسياه 
نفس هوايا هو هواه
عنيك المسافات واخداه 
وصور البورتريه شابهاه 
مجارح لون وفرشاه
اكيد  انتي راسمه
وقلبك جوه منه ضي
بنات الحي
عشقتي جوه مني هواه 
وشطه هو آخر  شط،
بواخر  وعد
مهيش راسيه
طريق العشق بيشد 
في كفي اليد
اكيد قاريه
ويد الميل
وجنحه الطير - - 
هاجره 
يسافر جوه منه كتير
مواسم ليل
جايز تلقاه
عيون الجميلات لوحات
اميرات
اكيد شابهاه
ملامح خيل
دفا قناديل
تدفي هواه
عيون الشبابيك عينك
مواسم طيرك
اكيد فاكره
من الاول
ويتأول
غرامي معاه
وعمنول
 و بيطول 
مسايا مساه
ويتصور قمر في سماه
بيوحشني
وانتي - -  اكيد وحشاه