انّ مع العسر يسرا

أوجاع / محمـــود جنـــيدى 

سألت العطّــار على "الصـــبر" قاللى خلص ، مفيش ..

وهو عــارف انى من غـــــيرالصّ والله ماقدر اعيش ..

قاللى خـــد مهـــدّئ أو مسكّن ، انشـالله "كورتيزون" ..

قلت له ياراجل حـــرام عليك ، متتــكلّم كــلام موزون ..

قاللى المــــيزان انكـــسر .. والكـــلام مبقاش يفيـــد ..

فمتدوّخـــش نفسك ، صدقنى الصبر خلص من قبل العــيد ..

قلت يبـــقى ارفع شكـــوتى لله ، وهو أكـــيد حينصفـــنا ..

يارب العبــــاد حالنا بقى عــــدم ، وانت خالقنا وعارفــنا ..

ارخى حبال الصّـــبر على عبادك ، يارب أنا ف عرضـك ..

نزّل  من عندك الغـــيث ، بقـــدرتك تخضــرّ بيه أرضك ..

إحنا عارفين اللى بيجرالنا  ده أكيد له مليون سبب ..

يعنى ممكن يكون انتقــــام منك .. وممكن يكون غضب ..

بس انت عارف انه ضعف مننا .. لكن عمره ماكان جحود ..

وان القلوب لينة مش قاسية .. وبعد لحظــــات ممكن تعود ..

فياخالق البشر من العدم .. ورافع السمـــا بلا عمــــد ..

ارحــــم أمة الحبيب محمـــد ، بحق قل هو الله أحـــــد ..

وارفع مقتك وغضبك عنّا .. وارحمـــنا من اللى بيجـرى ..

بحق مانزّلت على قلب طه : " ان مع العســر يســرا " ..