بئس الافعال.. بقلم أبو رامي الأسواني

انا مش مجنون
انا بسأل عادى
انا رايح فين
مش شايف سكه مفتوحه
عماله بتقفل وبتطفى
وتلف جناحها وبتصفى
من ناس حلوين
كانو لسه يادوبك ويانا
يتمنوا ياناس بس رضانا
فجأه يا خلق
أصبحوا شياطين
عم يا بياع البطاطين
خدلك وحدايه واتغطى
واتدارا ودارى ف عيوبك
عايش ف الدور مهو مش توبك
تعلا وتتعالا على احبابك
ويادوبك بس تعيش لينا
تسهر وتفكر ليالينا
بأننا احباب
كنا احباب
مش تقفل بابك وتسكر
ترابيس واقفال
وتلاوع فينا وبتفكر
وتذود همنا وتهزر
بئس الافعال
دايما شيال
ف حمول الكل وبتباها
انى حمال
ف الاخر نسيوا افعالنا
وسقونا الزل ياناس اكيال
ابو رامي الاسواني