ثمن لا يراه الآخرون

بقلم/نشأت البسيوني 

في حياة كل انسان ثمن بيدفعه لوحده محدش شايفه ومحدش حاسس به ثمن بيظهر في صمته في تعب روحه في دموع ما نزلتش في ليالي ما نامهاش في افكار ما قدرش يحكيها وفي معارك ما حد ساعده فيها الثمن ده ما يعرفهش الا هو لأنه مش مكتوب على وشه ولا ظاهر في كلامه لكنه محفور جواه ومع مرور الوقت يتعلم الانسان ان كل خطوة قوية امشيها في حياته وراها ثمن وكل 

قرار كبير خدوه وراه ثمن وكل نجاح ظهر للناس وراه ثمن وأن مفيش حاجة اتعملت بسهولة حتى لو شكلها كان بسيط ويبدأ يفهم ان الناس ما تشوفش غير النتيجة لكن ما تعرفش انه قبل ما يوصل للنتيجة دي خسر ناس وتعب من افكاره وضعف مرة واتنين واتكسر يوم واتعدل يوم وان في داخله وجع ما اتقالش وصبر ما اتشافش وجرح ما اتلمسش ومواجهة ما اتوثقتش يعرف ان حياته مش كما 

تظهر وان قوته مبنية على لحظات كانت ممكن تنهيه لكنه قرر يكمل فيها رغم خوفه ورغم وحدته ومع الوقت يعرف الانسان ان الثمن مش دايمًا مادي ولا ظاهر الثمن ممكن يكون انه فضل ساكت رغم قدرته على الرد او انه مشي من مكان رغم تعلقه به او انه اختار نفسه على حساب ناس كان بيحبهم او انه تحمل كلام جارح وما ردش عليه او انه تجاهل معاملة ما يستحقهاش علشان يحافظ على 

سلامه النفسي الثمن ممكن يكون انه فضل مكمل رغم اليأس وفضل بيحاول رغم الفشل وفضل واقف رغم التعب الثمن ممكن يكون انه عاش صراع عمره وما حكاش عنه لحد ومع تراكم التجارب يكتشف الانسان انه كل ما دفع ثمن اكبر كل ما فهم نفسه اكتر وكل ما بقى أعمق واقوى وكل ما بقى صعب يتكرر وصعب يتأثر وصعب يتهز لأنه عرف قيمة نفسه وقيمة صبره وقيمة الطريق اللي مشيه وقيمة 

المعارك اللي خاضها لوحده وعرف ان الثمن اللي دفعه ما راحش هدر لكن كان هو اللي بيبني فيه حاجة ما تتشراش ولا تتعلم ولا تتقلد يعرف الانسان ان الحياة مش بتدي هدايا مجانية وان كل شيء له ثمن حتى السلام الداخلي له ثمن وحتى القوة لها ثمن وحتى اختيار الصح له ثمن وحتى الابتعاد له ثمن وحتى السكوت له ثمن وكل ما يدفع الانسان ثمن أكبر كل ما يكون أقرب لنفسه 

أبعد عن التظاهر أقوى من الوجع أصدق في علاقاته أوضح في قراراته ويعرف وقتها ان الثمن الحقيقي ما كانش خسارة لكنه كان الطريق اللي وصله لنسخته اللي ما تتكررشي النسخة اللي بقت فاهمة مفتوحة العين قوية رغم كل شيء وصامدة رغم كل حاجة وعدت رغم ما حدش حاسس