حباه على إيه ؟

بقلم المستشاره/ هايدي أشرف

قالو ياما هيبقى ناسي
وانتي رافضه تصدقي
ويوماتي تبكي ورافضه تبيني
كنتي تحكي بالحلو عنه
شافوه الكل ملاك برئ
وإنك ظالماه وإنك فايتاه وسط جراجُه
وإنتي الليله بتعدي عليكي سنين
بتداري مشاعرك ع الدنيا وع الناس
وجواكي أنين يملى العالم
يشهد على كسرك أوضتك
رعشة إيدك توهانك وهالاتك
تشهد عليكي مخداتك المليانين بدموعك
إنطواياتك قلبك اللي تربستي عليه

حباه على إيه ؟
على تكسيره في مقاديفك وإحباطك
على تفصيصه في شكلك وملامحك
حتى الضحكه صبحت عقده
محاولاتك علشان ترضيه 
صبحت عبئ عليكي
أصبحتي عجينه في أيده بيشكل فيكي
حطاه في عينك وفي قلبك
راسمه له الحاضر والآتي
وشايفك هو برواز زين شكل الأوضه
حطك ع الرف جماد ساكت مبيتكلمش
موجوده سابك علشان مضمونه
وإنتي لازلتي بتحكي في حبه حكاوي
وتكتبي من شعرك ليه أبيات
مش كل الحكايات اللي بتتقال
وحكايتك كاتباها بإسمه
خبيتي شيطانه بين سطرك
وظهرتيه للناس ملاك حبك
وآخر الحدوته لازلتي شيطانه في عين الكل
تبكي وتنهاري في أوضتك
والصبح تكوني تمام وزي الفل
بتداري زعلك بالمكياج
حتى الضحكه صبحت تمثيل
وإنتي الوجع اللي فيكي هد الحيل
وفاض الكيل بيكي
بتقابلي صحابك مسحوله في شغلك
لكن قلبك فاكر لسه
فاكره هزاره في قعده لذيذه
ضحكه وغيره وتكشيره
سرحانه في شكله وملامحه
فـ تشوفي أتنين ع الطرابيزه
فـ تفتكري الموقف إياه 
فـ تبتسمي 
فـ تفوقي بسؤال منهم لساكي فاكراه 
فـ بتنطفي لمعة عينك
والعقل بيدي جواب عنك
وتردي أوام بقيت ناسياه 
ولا فاكراه
ولا فاكره حاجه عن إمبارح
ولا حتى أتمنى في يوم نرجع
ولا عايزه أشوفه ولو صدفه
تسكتي لحظه قلبك مكسور
فتردي بكل هدوء
أتمنى يكون بس تمام
توصفي طيبته وحنانه 
وإن مفيش راجل يملى مكانه
وإنك إنتي البايعه السايبه
في الواقع هو الغايب هو السايب 
قلبك ينزف في غيابه 
وإنه قفل بابه قدام حبك
لا سابك ورده جميله لسه في بستانك
ولا حتى رواكي

حباه على إيه ؟
مفيش حد يموت حد ويحييه
وإزاي لسه شايفه دواكي