حب مصر مش كلام

بقلم / عيد صالح

من قلبي بقول بحبك يا مصر يا غالية
وبحلم بعزك ومجدك كل دقيقة وثانية
سامحيني يا مصر في بعدي وتقصيري
ياما نفسي في حياتي خير البلاد تكوني
اندهي يا مصر على ولادك واندهيلهم
من غربتهم عنك قربيهم وأحضنيهم
في بعدي عنك فقدت الحب والحنان
وفي بعدي عنك مش حاسس بالأمان
مشتاق ليكي ونفسي أشوفك كل لحظة
والدنيا غربتني عنك وبحسبهم باللحظة
إنتي يا مصر فرحتي ودنيتي تحلو بقربك
وحلمي الكبير أعيش وأموت على أرضك
وبسأل رب العزة ليل نهار عنك لا يبعدني
ولا عن حبك الكبير اللي سحرني وأسرني
يا مصر قومي وانهضي واستقبلي إبنك
اللي بيعشقك ويحبك وبيخاف على حبك
طيب ليا مين غيرك أسعد بقربه وأفرح
وكل المطارح بعدك ما ليا فيها مطرح
تعرفي لما كنت صغير وتيجي سيرتك
أتمنى إني أكبر وأشوف يعني إيه حبك
كنت بشوف ناس كتير بتكلم الغربة
وتقولي لما تكبر تعرف الغربة كربة
لما تسافر بعيد عن بلدنا مصر وتبعد
تعرف أنه حب مصر في قلبك مخلد
 بحبك يا مصر زي ما بحب نفسي وأكتر