( حد عادى ) بقلم أبو رامي الأسواني

انتى عندى بقيتى عادى
زيك زى كل الأخريات
هنسى ماضى كان أليم
كان حزين
ماضى خلاص عدا وفات
اصلك لسه سايبه فيا
جرح كبير م الذكريات
لسه فاكر لك
كلامك
سلامك
دموعك وانتى حبساها ف عيونك
مش هلومك وانتى اختارتى وبايديكى تبعدى
وتبقي عندى حد عادى
م السعادى هنسى
كل كلمه حب سمعتها لك
واى صوره حلوه فى الخيال رسمتها لك
هنسى اى تنهيدة غرام
عيشتها لك
حتى القلم عند حروفك
راح ومات
محبش يكتبلك اى شيئ
م الذكريات
كنتى عندى مش حد عادى
حتى نبضى رافضك تكونى
حد عادى
بس عادى كله عادى
منتى لو فاكره آهاتك
ف اللقا أو ف الغرام
او حتى عشتيه مره فى حياتك
مكنتيش نسيتى كل حاجه
بسرعه وقوام
كان احساسك كله وهم
وكان كلام
انا هعتبره حلم وكان جميل
والدليل انك خلاص
بقيتى عندى حد عادى
ابو رامى الاسوانى