رسائل لا ندركها رغم حدوثها

قلم حسام الشرقاوي
كميه الاخبار الغربيه اللى جواها رساله لكل شخص مش راضى عن حياته ..!!

+ وفاه طلعت زكريا بسبب فيروس نادر مش بيجى غير لواحد ف كل 10 مليون..
+ وفاة هيثم احمد زكى الممثل اللى الكل عارفه كان بيعانى من وحدته و طلع قالها صريحه ف برنامج.. بالرغم من كل الناس اللى تعرفه دى..!!
+ رامى جمال المغنى المشهور اعلن اصابته بمرض "البهاق"..و اللى صرف عليه كتير عشان يتعالج و مفيش فايده و بيفكر ف الاعتزال..!!
و قصص ياما تانى..
كل شخصيه من دول معاهم فلوس متتعدش..
بس الفلوس معالجتش طلعت زكريا.. ولا خلت هيثم احمد زكي يحس بالونس و يبقاله صحاب.. و لا عالجت رامى جمال..
+ الفلوس مش بتشترى اغلى الحاجات ف الدنيا ، مش بتشترى الصحه و المحبه و الونس و اللمه و الصحاب و الاهل ، ولا بتحل مشاكل ولا بتزيح هموم ولا بتريح القلب
+ ولا بتهدى العقل الحيران ، ولا بتغنى فقير الروح..
+ الفلوس ارخص ارخص شئ فالحياه ، الفلوس مش بتشترى غير الحاجه اللى ممكن اى حد يملكها..
مهما كان حالك ، لو لسه قادر تمشى ع رجلك ، لسه قادر تضحك من قلبك ، لسه قادر تنام بليل مرتاح البال ، عايش وسط اهلك ، لسه و انت داخل بيتك بتلاقى حد يستقبلك و يشاركك يومك و همومك ، لسه فيه صحاب يسندوك..
لسه ف ناس بتطبطب عليك ف تعبك، و حواليك لمه و عيله..
يبقى تشكر ربنا الف مرة ع كل نعمه من النعم دى ، اللى غيرك حرفيا بيحلم ب ربعها و مش قادر يطولها بكل فلوس الدنيا اللى معاه !!

طبعا كلنا عارفين احمد.مكي لما جاله مشكله كبيره ف الكبد والطحال اتعذب وتعب اد ايه المشكله دي خلتو ميقدرش يشرب مياه ووصل لدرجه انو لما بيبلع ريقه بيتعذب فضل شهر ونص بيتعالج غلط لحد ماشك ان عنده المرض الخبيث
وبعد تشخيص تاني عرف ان مرضه صعب جدا بسبب مشكله الطحال والاكل والشرب كانت بيتاخد محاليل لانه ميقدرش يبلع اي حاجه

مكي كمل قصته وقال "ان التلاجه قدامه فيه اطيب ما لذ وطاب بس ميقدرش يقرب منها ميقدرش يقوم يحضن ابنه انا ابني ومراتي كانو بيتعذبو قدام عيني عذاب صعب جدا بسبب مرضي ممكن يكون معاك كل حاجه ف الدنيا بس ربنا بيقولك مش هتطول منها حاجه ده اقوي درس انا اتعلمته من مرضي واتغيرت كتير جدا بعده"

اول مره من زمان اتفرج علي لقاء كامل .
بس علقت معايا جمله قالها مكي انك
لأ تألف النعمه
يعني متعتبرش ان النعم ال ربنا ادهالك دي كلها حاجه عاديه.لازم تشكر ربنا علي كل نعمه عليك وتحس بقيمتها لانه لو اتاخدت منك نعمه واحده بس هترجعله راكع وتقوله يارب رجعهالي ومش هبطل اشكرك واحمدك عليها
صحتك
اهلك
ولادك
زوجتك
وعليمك
وغيرهم
كل دي نعم ربنا عليك اوعي تغفل عنها او تبطل تشكره عليها ..
الحمد_لله_دايما_وابدا"❤