روشتة بسيطة لمنع الإستغلال الجنسي للطلبة.

كتب/ كريم انور.

اتمني أن البنات يفهموا النقاط دي كويس جداً .. متساعدوش السيكوباتيين يوصلوا لرغباتهم وتكونو فريسة لأمراضهم .

- مفيش حاجه اسمها دكتور بيكلمني يفهمني حاجه .
- الحديث مع الدكتور بيكون في جروب المادة فقط .
- محتاجة اجابة لسؤال اسالي علي العام قدام الناس عشان الكل يتعلم .
- متخليهوش يسألك عن حياتك الخاصة نهائياً لانها متخصهوش أصلا .
- حديثك مع المدرس او الدكتور يكون داخل إطار المادة فقط والتعليم .
- ممنوع الحديث في حياته الخاصة ولا عن اولاده مش شغلانتك انتي مش بيبي سيتر امه .
- ممنوع يقولك تعالي المكتب وتروحي لوحدك خدي صاحبتك معاكي او حد معاكي .
- خلي دايماً حدود واضحة بينكم ولا يتعدي الا انه مدرس فقط .
- هيقولك زي ابوكي لا ابوكي في البيت يا روح ماما .
- لو فكر يمد ايده عليكي او يبعتلك حاجه غير مرغوب فيها اوعي تسكتي صمتك جريمة .. ولازم يتاخد معاه اكشن .
- اوعي تضيعي حقك عشان خايفة تسقطي في المادة .. لو سكتي عشان تنجحي هقولك انك كسبتي درجات وخسرتي نفسك لباقي عمرك .

متخافوش واتكلموا .. هنقف كالسهم في ضهر اي مجرم بيحاول يستغل بناتنا .

ركزوا يا جماعة عشان نقدر نمنع الظاهرة دي ..
قاوم صف واحد .. بنكسر حاجز الخوف
وكل الدعم لحملة قاوم .