سألها لماذا الصمت يا فتاتى

بقلم الكاتبة : سلوى عبد الكريم

سألها لماذا الصمت يا فتاتى ؟؟ أجابت فى صمت داخلها  

لا أدرى لما الكلام حبيس نفسي مش عارفه أقول إيه ومش قادرة أقول حاجة  ،،   يمكن علشان إللى جوايا كتير نفسى أقوله لكن ماينفعش يتقال  ،، 
 ويمكن علشان لما بتكلم  شوقي و مشاعري بتغلبنى فى أوقات المفروض أكون أقوى منهاوأتركها حبيسة جوايا  ..

يمكن علشان عدم وجودك أمامي تبادلنى طرف الحديث  ،،

ويمكن كل دول وأكتر مجتمعين في سبب واحد نفسي أتكلم براحتى بدون  قيود وحسابات  للحرف والكلمه  ،، 

 نفسي وقت الإشتياق أقولك مشتاقلك ،، ووقت الحب والحنين أقولك بحبك  ،،  ووقت زعلى أغضب وأعبر دون مواربه  ،،

 وفى وقت فرحى أضحك  وأسمع  صوتك  بيضحك قصادي  ،، وفى وقت حزنى أجري لحضنك يحتويني ،،

نفسي أحس إني إنسانه أتعامل بشكل عادى وطبيعي  تكون جمبي ومعايا وقدامى شايفنى مالى فرحانه ولا حزينه مرتاحه ولا تعبانه قادرة أتكلم وأضحك وأهزر 
ولا لأ محتاجه إيه منك فى الوقت ده وأنت معايا وجنبي مش بعيد ''  
  * لكن *
لو كنت بعيد مش بعيد كل همسه وكل كلمة وكل معنى 
و إحساس عيشتهولي وعيشتو معاك  

سامعه نبضك وتنهيدك وأهاتك وبنده عليك فى فرحى 
بك وبكائي منك بنده عليك فى أهاتى وإبتساماتي
 مابذكرش غير إسمك ومش عايزه غيرك  

فى لحظه ضعفي معايا مابشوفش إلا أنت و كل لحظه قوة بنفسك سندني  وقادره أكمل 
كل الدنيا اختزلتها فى اسمك وصورتك وروحك مش حاسه غير بإيدك بتمسح دمعي وفى حضنك دوايا وراحتي  

فاطمئن قد أشبعتني ورويتني إرتواء يكفي ظمأ نفسي ويملئ قلبي ويغزو كياني ووجداني  ،، 
 * ولكني أخادع و أضحك على نفسي فكلما رويتني إزدت ظمأً وشغفاً إليك ،، 
 وبرغم الحب والحنين والشوق والإحتياج أصبحت ظمأ الطمأنينه عليك ياخلي القلب  ..