رئيس مجلس الإدارة   
            د/ نبيلة سامى                   

                                               

          صحافة من أجل الوطن 

              (  مجلة مصر )

                             ( أحدث إصدارتنا)

الأربعاء 6 يوليو 2022 12:03 ص توقيت القاهرة

سيره ذاتيه

د/ أسماء المعرف

سيره ذاتيه  سيره ذاتيه
هبعتهالك أنت وهيه
هبعتها علشان تتفائلوا
وتعيشو ا الدنيا الورديه
أنا واحد خريج تربيه
أما مراتي رياض أطفال
قدمنا  لدوله عربيه 

علشان إيه ؟

علشان قوتي ولبسي وزادي
علشان باحلم أشوف أولادي 
زي السيما في أحلى نوادي
والمسبح في الحر يا دادي

والجو أنا مش حاسس بيه
أمال جايب التكييف ليه ؟
علشان أنتخ وأعمل بيه
حاجة جميلة .. حياة آدميه
 هانبلبط على وش الميه
وهاناكل م الحلو أبو ليه

اتشجعنا وروحنا الشركة
 علشان كان في لجنة هناك
شوفت كفيلي من الشباك
لابس ثوبه وأحلى سواك
جنبه عصيره وطبق الماك
بطني قالت لي إيه وداك؟

قلت لبطني خلاص اتلمي
دا أنا باعتبرك خالي وعمي
خلي دماغي يركز حبة
وبلاش يا اختي تفوري دمي

يوميها وصلنا يا ناس بالثانيه
بس القاعدة هناك حاجة تانيه
تاخد دورك وأنت وحظك
سيبها لرب الدنيا الفانيه

طبعا رحت لأبله نجاة
بعد ما مرت خمس ساعات
قلت يا أبلة أنا ظهري اتكسر
قالت أبشر  فيها بيات
شوف لك واحد وتبات عنده
أمال فين البلديات؟
كل تخصص ياخد وقته
واحنا نموت في الرسميات

 شفت الخلق الرايحه الجايه
قلت إلهي عليم بالنيه
نقعد ناكل بقى نتقوت
لسه أنا دوري بعد الميه

قلت لزوجتي الأكل بسرعة
قالت يلا معايا طعميه
كان الطعم بجد يجنن
لكن صدمة حقيقي قويه
ست الكل الحلوة الواعية
خلت سيرتي بزيت مقليه

سيرة ذاتية سيرة ذاتية
حلوة لذيذة بالطعميه.
/ أسماء طه المعرف

تصنيف المقال : 

إضافة تعليق جديد

CAPTCHA
This question is for testing whether or not you are a human visitor and to prevent automated spam submissions.