( شايفك )

بقلمي الشاعر/محمد غبن
شاعر آل غبن وسفيرا للسلام الدولي
15/9/2021

شايفك بتبوسي في جدار الزمن
    مش عارف ليه ممكن علشان تعيشي
طيب إزاي بالزمه ينفع وإنت 
   اللي عمرك صلبه وقويه  ومهمكيشي
دا أنا اللي في كل قعده
 بنسامر فيها بقول حبيبتي القويه
  ياما شافت عصور الخوف
       والغلب من شويه مرتزقه بلطجيه
عاملين ملوك وسلاطين الإتيكيت
وهم قطاع طرق معندهمش حنيه
أصل إزاي وبأي حق يروعوا الآمن
ويخوفوا الأطفال و هم نور عينيا
امل المستقبل اللي معاهم الدفعه      
      لجل أكون عزيزه      وغنيه
غنيه في الروح والنفس وما
   اطاطي فى يوم إلا لرب البريه
طيب كفايه بقي حرمان من
العطف علشان توفريه ليهم  وليا
عايزك تفوقي لنفسك لجل مكانتك       
     تبقي في الصداره و   عاليه
ونرجع نحتفل بيك صدقيني 
 يلي بتقوي عزمنا يوم ما تاه صبرنا
كنت بتحني وبتطبطي ع الصغير
والكبير علشان ما يتوهشي  فرحنا
يبقي ليه تبوسي جدار الزمن 
   وتتحملي اكتر من    طاقتك
صدقيني عارفك يا مهد الأنبياء
    وربنا في علاه واقف جنبك
محروسه بفضله وبكرمه لجل
      تعرفي إن هوا حاميك  وبيحبك