رئيس مجلس الإدارة   
            د/ نبيلة سامى                   

                                               

          صحافة من أجل الوطن 

              (  مجلة مصر )

                             ( أحدث إصدارتنا)

الأربعاء 6 يوليو 2022 12:53 ص توقيت القاهرة

شهيد تحت الطلب

كتب وائل الديري

ايه ذنبي تقتلني
ذنبي اني بدافع عن البلد اللي عايز تخرب فيها
ذنبي ان بحمي اهلي اللي انت داير تموت فيهم
ايه اللي مخليك تعمل كل الاذى دا فلوس ولا غسيل مخ ولا حقد وكره ومرض
ليه تقتل شبابي في عز ريعانه ليه بتخرب ليه بتقتل
انت مين ومين اللي وراك ومين اللي يرضيه ان ام تشوف ابنها سايل في دمه
مين اللي يرضيه ان ابن قلب يتعصر على ابنه
مين اللي يرضيه طفل يتيتم من قبل مايشبع بأبوه او ابوها
انت عايز ايه انت قلبك ايه انت جنسك ايه
عموما اتهري اكتر واكتر احنا مش هنزعل احنا مش هنحزن احنا هنعمله فرح احنا هنهني بعض ان لينا شهداء كتير واهو زادوا تاني
حرام نقول عليك حيوان لان احيانا كتير الحيوان بيبقى احن منك ومن امثالك
مبروك بقى لينا 11 شهيد جداد
مفيش حداد مفيش حزن
اوعي تحزني يا ام الشهيد اوعي تحزن يا ابو الشهيد اوعي تزعل ولا تتأثر يا ابن او بنت الشهيد ارفعوا رؤوسكم فوق فوق فوق علشان تشوفي احلى شهيد عند ربه
افرحي ياام الشهيد وماتبكيش ابنك أشرف اجناد الأرض
اولع يا إرهابي يا متطرف
اوعي تفتكر ان دي رجولة انت كده خسيس وعدو وطنك
انا مهما قولت مش هعرف اطلع اللي جوايا ولا اللي جوه كل مصري شريف
ولكن كلنا جيش مصر كلنا بنحب مصر كلنا نحبك ترجع لحضن بلدك لحضن امك امك دي ام العالم وهي كل العالم بناسها و رئيسها وجيشها وشرطتها وحكومتها
شكرا لكل شرف على أرض مصر
شهيد تحت الطلب ايوه اقسم بالله اني تحت الطلب
فداكي يامصر يا أمي
وائل الديري
اعذروني مش مرتب اني اقول ايه
لكن بطلع جزء من احاسيسي ومشاعري ومشاعر كتييير من المصريين

تصنيف المقال : 

إضافة تعليق جديد

CAPTCHA
This question is for testing whether or not you are a human visitor and to prevent automated spam submissions.