( صابنى الجمود )

قلبى خلاص صابه الجمود

والجحود منك قفلنى

والقساوه اللي فى طباعك

يسلمولك شيلى عنى

والامانى لو تفتح قلوب

كنا عشنا ف التمنى

والسلام أصبح خصام

والخصام زاد فيا همى

والذنوب زادت بهجرك

وراجعه من تانى تغنى

غنى ع اللى بيضحكولك

انا مش محتاجلك تغنى

قلبى خلاص مات من عمايلك

وصابه الهم برضو منك

خلي عمايلك يشفعولك

عندى مش هتلاقى تمنى

استنى

خدى معاكى كل اللي ليكى

اى كدبه ف يوم عليا

وذك خيالك تكدبيها

او مشاعر كدب وخداع

سهرتينى ليالى فيها

حتى مشاكل الحب العاديه

اللى كنتى بتمثليها

خدى معاكى كل همك

وشوفى مين غيرى يضمك

او تعيشى معاه خيالك

حتى الخيال كان كله وهم

جربى تعيشى وحيده

او لغيرى مدى ايدك

شوفى هيعيش جوه منك

ولا هيدوسك ويذلك

ابو رامى الاسواني

13/3/2021