طال الغياب حبيبي بقلم مصطفى سبتة

يا ترى فاكرني ولا ناسينى
يا هاجرنى من سنين
طال الغياب و طال حنينى
و الدموع تملا العين
ما كانش يخطر ف بالى
يجى يوم و أبات حزين
و أتعذب من نار أشواقى
و نارى تبقى نارين
فاكر حبيبى ولا ناسيه
و دقات قلبى و فرحته بيك
كنت تمللى الغالى عليه
كان ديمآ بيفكر فيك
عاش أجمل أيام عمره
لكن إنت الحق عليك
دلوقتى بيحلم و يقول
ولا ليلة من لياليك
تعبت خلاص من كتر أسايا
و إنت بعيد عنى
كنت أتمنى تبقى معايا
و أشيلك ف العين و الننى
ما أحسبش الأيام هتدور
و يجى يوم و تبعنى
بعد ما إدتنى الأمل و النور
كنت ليه بتخدعنى
اللى باقيلى منك ذكرى
عايش بيها من يوميها
بتفكرنى بأحلى ليالى
كنت تمللى بحلم بيها
ولا يوم شكيت من حالى
و الآه كنت بداريها
و إنت عارف إنى بحبك
و أتمنى الجنة و أعيش فيها