عايز اقلك بالسلامه كلك كان عذاب والم

عايز اقلك بالسلامه كلك كان عذاب والم

كلمات الشاعرة : ام هاشم العيسوي

متابعة: ممدوح السنبسي

عايزه اقولك بالسلامه كلك كان عذاب وألم

يالا باي دا احنا منك استسلمنا ورفعنا العلم

دوقنا فيكي كتير مرار وجراح

كنا بنودع بعض اكتر ما كنا بنقول مبروك ع الافراح

حلي عنا يالا وشوفي كان فين مكانك

تعبنا من كتر ما حضنتينا بجحه انك ضيف

وفجأه استحليتينا سكانك

واللي بيشتكي منك مش خايف ولا ضعيف

بس انتي بوختي وبعد اذنه هيجي اوانك

الفراق لناس عزاز كان قدر والوداع مكنش ع الكيف

عمر اتخطف من وسطينا هدر

وانتي فيها ياما كشرتي عن أنيابك

وقولنا فيكي بالسلامه لكتير حبايب

كانو ضي كان القلب فيهم دايب

وانتي الشر فيكي كان قوي كان حي

واحنا اقوي بقوة ايمانا مهما تكون الظروف

اصل الألم استوي وجاب آخره بعد ما كان ني

واتعاهدنا ننسي بكل ما فيها الكلمه من حروف

عرفنا فيكي ياما ناس كتير

فيها اللي حب بقلبه واللي خان

واللي نسي يصحي عنده الضمير

وناس كانت اقوي من الامتحان

وعدت بالشكر والصبر وبامتياز

فكفايه ابوس ايد ابوكي

وارحمي ناس منك ياما اتألمت

دي النار بتزيد لو نزودها بالجاز

والقلوب ع الوجع عمرها ما اتأقلمت

معاكي ساعات

وبهمومك بحلفك تختفي

دا كل الأمور واقفه ع صبرنا ورهن اشاره بالفرج

وانا قلمي عن وجعي فيكي ما هيكتفي

وانادي بعلو صوتي انا مش بحبك ومن غير حرج

جوانا بقي موشوش وعايش ع ذكريات وماضي

وانا بقولك بزياداكي

واللي تطلبيه مقابل الراحه موافق عليه وراضي

المهم مع السلامه اصلنا مدوقناش الفرح معاكي

كلماتي/ام هاشم العيسوي